Шілде айының алғашқы жексенбісінде Қазақстанда Ұлттық домбыра күні аталып өтеді – бұл ғасырлар бойы қазақ халқының жанына серік болған, ән мен күйге толы, ерекше музыкалық аспапқа арналған мереке. Бұл мереке 2018 жылы ресми түрде бекітілді және содан бері ұлттық мәдениетке, тарих пен музыкалық мұраға деген құрметтің белгісіне айналды.
Бүгін осы мерекеге орай Смирнов балалар кітапханасында жас оқырмандарға арналған «Домбыра – халық мұрасы» атты өнер сағаты өтті. Балалар домбыраның шығу тарихымен, басқа аспаптардан айырмашылығымен танысып, қазақ даласының үніне айналған күйлерді тыңдады.
Мұндай кездесулер балаларға қазақ мәдениетімен жақынырақ танысуға, әр ұлттың жүрегінде сақталған дәстүрлерді тануға көмектеседі.