Адам тек біліммен тірі,
Тек білім ғасырды қозғайды!
"Қолымнан келмейді" деп айтпа.
Білімге жаныңмен ұмтыл.
(А. Құнанбайұлы)180 жыл
Аққайың аудандық кітапханасында Смирново ауылы «Жүректен шыққан лебіз» атты дөңгелек үстел өтті. Іс-шара бірден екі маңызды мерекеге – Еңбек күні мен Қарттар күніне арналды. Бұл мерекелердің қатар аталуының да өзіндік мәні бар: еңбек – қоғамның өркендеуінің негізі болса, аға буын – даналық пен өмірлік тәжірибенің сақтаушылары.
Кездесудің маңызы арта түсті, өйткені 2025 жыл Қазақстанда Жұмысшы мамандықтарының жылы деп жарияланды. Бұл елдің тірегі мен болашағы – еңбек адамдары: құрылысшылар, механизаторлар, педагогтар, шахтерлер, дәрігерлер және басқа да сан түрлі мамандар екендігін еске салды.
Іс-шараға аудандық ардагерлер кеңесінің төрағасы Мұстафин Асқар Қасымұлы, аудандық ардагерлер кеңесінің президиум мүшелері, алғашқы ардагерлер ұйымдарының төрағалары, ардагерлер қозғалысының белсенділері қатысты.
Жылы лебіздер мен алғыс сөздер барлық қатысушыларға арналды. Әсіресе еңбек адамдарына – жұмысшы мамандықтарының өкілдеріне айрықша көңіл бөлінді. Олардың туған өлкені дамытудағы үлесін асыра бағалау мүмкін емес.
Іс-шара бағдарламасын Мәдениет үйінің өнерпаздары дайындаған әсем әндер мен музыкалық нөмірлер әрлендірді. Белсенді қатысушылар мен еңбек озаттарына Құрмет грамоталары мен гүлдер табысталды, сондай-ақ дәстүрлі түрде «жас зейнеткерлерді» қабылдау рәсімі өтті. Ардагер әйелдерге ақ орамал тарту етілді – бұл құрмет пен ізеттіліктің нышаны.
Кездесуді қорытындылаған жүргізуші: «Қариясын сыйлағанның – қазынасы мол болады» деп атап өтті. Бұл сөздер мерекенің басты ойы мен рухани арқауына айналды. Жиналғандар бірлік, ризашылық пен жылы сезімге толы ерекше атмосфераны сезінді.
Іс-шара тек мерекелік басқосу ғана емес, сонымен қатар еңбек пен аға буынға құрмет көрсетудің, олардың даналығы мен өмірлік тәжірибесінің қоғамды алға жетелейтінін еске салудың айқын белгісі болды.
